கோட்டாவுடன் இணைந்து தனது கைகளை வலுப்படுத்த தயாராகி வரும் சஜித்...!

ஜனாதிபதி கோட்டாபய ராஜபக்ஷவுடன் இணைந்து சஜித் பிரேமதாச தனது கைகளை வலுப்படுத்த தயாராகி வருகிறார் என மக்கள் விடுதலை முன்னணியின் மத்திய குழு உறுப்பினர் வசந்த சமரசிங்க தெரிவித்துள்ளார்.

ஆங்கில ஊடகம் ஒன்றுக்கு வழங்கிய விசேட செவ்வியில் எதிர்வரும் பொது தேத்தலில் தேசிய மக்கள் சக்தியின் திட்டம் என்ன என்ற கேள்விக்கு பதிலளிக்கும்போதே அவர் மேற்கண்டவாறு தெரிவித்திருந்தார்.

"தேசிய மக்கள் சக்தி எதிர்வரும் பொதுத் தேர்தலில் திசைகாட்டி சின்னத்தில் போட்டியிடவுள்ளது.  நாட்டிற்கு பொறுப்பான, உண்மையான குரலை பிரதிபலிக்கும், பணத்திற்காக தங்களை விற்காத, மற்றவர்களுக்கு துரோகம் செய்யாதவர்களையும் விவசாயிகளையும் பிரதிநிதித்துவப்படுத்துவதன் மூலம் , தொழிலாளர்கள் மற்றும் அவர்களின் குழந்தைகள் மற்றும் அவர்களின் உரிமைகலின் குரலாய் பெரிய எதிர்க்கட்சியை உருவாக்குவதே எங்கள் குறிக்கோள்.

கடந்த காலங்களில் எங்களுக்கு வழங்கப்பட்ட பணியை நாங்கள் நிறைவேற்றினோம். ரணிலுக்கோ அல்லது சஜித்துக்கோ வாக்களிப்பதில் எந்த அர்த்தமும் இல்லை. கோட்டாபய ராஜபக்ஷவுடன் கைகளை வலுப்படுத்த சஜித் தயாராகி வருகிறார்.

இதேவேளை ரணில் மற்றும் அவரது குழுவின் உதவியைப் பெற மஹிந்த ராஜபக்ஷ ஏற்கனவே ஒரு திட்டத்தை வகுத்துள்ளார். அவை தனித்தனியாக இருந்தாலும், அவை பெரியவை. எனவே தேசிய மக்கள் சக்திக்கு  வாக்களித்து எதிர்க்கட்சியை எங்களுக்கு வழங்குமாறு மக்களிடம் கேட்டுக்கொள்கின்றோம்." என தெரிவித்தார்.

Post a Comment

0 Comments