வான்கடே மைதானத்தில் போட்டிகள் நடத்த இரண்டே வாய்ப்பு தான்- மராட்டிய அரசு

வான்கடே மைதானத்தில் நடக்கக்கூடிய போட்டிக்கான டிக்கெட் விற்பனை இல்லை, போட்டி நடத்த இரண்டே வாய்ப்புகள்தான் உள்ளது என்று மராட்டிய அரசு தெரிவித்துள்ளது.


(சிபிசி தமிழ்-cbc tamil) இந்தியாவில் கொரோனா வைரஸ் பாதித்தவர்களின் எண்ணிக்கை நாளுக்கு நாள் அதிகரித்து வருகிறது. மகாராஷ்டிரா மாநிலத்தில் 7 பேருக்கு உறுதி செய்யப்பட்டுள்ளது.

மத்திய அரசு பொதுவான இடத்தில் மக்கள் அதிக அளவில் கூடுவதை தவிர்க்க வேண்டும் என வலியுறுத்தியுள்ளது.இதற்கிடையே ஐபிஎல் போட்டிகள் தள்ளிப்போகலாம் என்று மகாராஷ்டி மாநில மந்திரி ஒருவர் தெரிவித்திருந்தார்.

நேற்று அம்மாநில அரசு ஆலோசனை நடத்தியது. அந்தக்கூட்டத்தில் ஐபிஎல் டிக்கெட் விற்பனை செய்யப்படமாட்டாது என முடிவு எடுக்கப்பட்டதாக மகாராஷ்டிரா மாநில சுகாதார மந்திரி ராஜேஷ் டோபே தெரிவித்துள்ளார்.

இதுகுறித்து அவர் கூறுகையில் ‘‘ஆலோசனைக்குப் பிறகு, நாங்கள் இரண்டு வாய்ப்புகளை உருவாக்கியுள்ளோம். ஒன்று போட்டியை தள்ளி வைக்க வேண்டும். அல்லது போட்டி ரசிகர்கள் இல்லாமல் நடத்தப்பட வேண்டும் என்பதுதான் .  ஆனால் டிக்கெட் விற்பனை செய்யப்பட மாட்டாது என்பது உறுதி’’ என்றார்.

இதனால் வான்கடே மைதானத்தில் போட்டி நடைபெறுவது சந்தேகம்தான். அப்படி போட்டி நடைபெற்றால் டிவி ஒளிபரப்பாளர்கள் மட்டுமே மைதானத்திற்குள் அனுமதிக்கப்பட வாய்ப்புள்ளது.

Post a Comment

0 Comments